Axuda a "Jaws" (software lector de pantalla) . Esta páxina ten un deseño sinxelo, no que se distribúen as entradas na metade esquerda da pantalla e os gadgets na metade dereita sobre a vertical. Entre eles un buscador no blog, acceso a outros blogs da biblioteca, acceso a E-ELBE.2 a biblioteca virtual, e as etiquetas.
Para conmemorar o Día da Paz imos coñecer a figura de Jane Goodall, unha loitadora incansable empeñada en facer do mundo un lugar mellor tanto para as persoas coma os animais. Entre moitos recoñecementos en 2002 foi nomeada polo Secretario Xeral Kofi Annan "Mensaxeira da Paz" de Nacións Unidas.
Neste espazo atoparedes moita información para coñecela e traballar sobre ela.
DOCUMENTAL SOBRE JANE GOODALL DE NATIONAL GEOGRAPHIC
REALIZAMOS UN MURAL ENTRE TODOS
Cada neno/a pintou un chimpancé. Logo puxéronlle un nome ao igual que facía Jane Goodall, de tal xeito que todos os chimpancés dunha clase comezaban pola mesma letra, pois así era como ela o facía, todos os que pertencían á mesma familia comezaban pola mesma letra.
Vendo os documentais de Jane Goodall
Vendo os documentais de Jane Goodall e coloreando os chimpancés
Este ano o festival de nadal levou por título Animadal, xa que xiraba en torno ao noso PDI sobre animais en perigo de extinción. Simulamos unha gala benéfica na que cada curso apoiaría a loita pola defensa dalgún animal. Antes da actuación, cada aula fixo unha pequena exposición do que traballou relacionado co PDI ao longo do trimestre tocando os seguintes aspectos:
- A biodiversidade (2º)
- Cómo nos afecta a perda de biodiversidade (4º B)
- As cadeas alimentarias/pirámide da vida (4º A)
- A importancia das abellas no planeta (3º B)
- Efectos do cambio climático (3º A)
- Deforestación e incendios (4º Infantil)
- A contaminación (5º de Infantil)
- A extinción dos dinosaurios ( 6º A)
- As 5 grandes extincións masivas (6º B)
- A lista vermella da extinción dos animais (6º Infantil)
- Canto tarda en degradarse o lixo na natureza (1º)
Coma todos os anos, o festival celebrouse dous días: o 20 de decembro para todo o alumnado e profesorado do centro e o 21 para as familias e público en xeral.
Nos vindeiros días iranse subindo os vídeos das diferentes actuacións de cada un dos cursos.
