Nas aulas de 5º estiveron a realizar unha actividade de Plástica moi creativa. Consisitiu en facer cadros en 3D de animais, para o que empregaron cartóns de gardar os ovos. Aquí podedes ver todo o proceso.
PDI sobre animais en perigo de extinción da Biblioteca do CEIP de Seixalbo Curso 23/24
venres, 17 de maio de 2024
Entrega de agasallos dos BuscaRebusca
Xa hai unhas semanas que rematamos a actividade de retos dos BuscaRebusca, da que podemos afirmar que foi un gran éxito e na que participou moito alumnado. Todos os participantes conseguiron chegar ao final dos retos polo que todos conseguiron o seu agasallo.
A realización desta actividade favoreceu os seguintes aspectos.
- Desenvolvemento de habilidades de lectura: xa que, ao consultar unha serie de libros, os/as nenos/as están a exercitar e fortalecer as súas habilidades de lectura. Aprenden a buscar información, comprender textos e aplicar o que aprenderon para resolver problemas, todo iso dunha maneira atractiva e estimulante.
- Estímulo da curiosidade e a exploración: Os retos expostos espertan a curiosidade dos nenos e motívanos a explorar e querer atopar as respostas, sendo unha gran satisfacción o momento en que descobren a solución que buscaban.
- Incentivo para a participación activa: O sistema de selos e premios actúa como un incentivo tanxible para a participación activa na actividade. Os nenos séntense motivados a involucrarse na lectura e resolver os retos para acumular selos na súa cartilla. Esta estrutura de recompensas reforza positivamente o hábito da lectura.
- Creación dun ambiente lúdico e colaborativo: Ao levar a cabo a actividade durante o recreo ou outras ocasións informais, créase un ambiente lúdico e relaxado que favorece a participación e a interacción entre os/as nenos/as. Ademais, ao traballar xuntos/as para resolver os retos, foméntase o traballo en equipo e a colaboración entre eles.
Aquí vos deixamos as solucións e fotos do momento da entrega dos agasallos.
 |
| Solucións dos BuscaRebusca |
Descubrindo os seus agasallos e diplomas nas aulas de Infantil
 |
| Diplomas para cada unha das aulas de infantil |
 |
6º de Infantil coa súa cartilla completada e o Diploma 6º de Infantil cos seus agasallos |
.jpg) |
| Cartillas e agasallos dos participantes |
 |
| Algúns nenos e nenas de primaria co seu agasallo. |
Actividades polo Día do Libro 2024
O 23 de abril conmemoramos o Día do Libro establecido pola UNESCO xa que nesta data faleceron tres dos grandes autores da Literatura Universal: Miguel de Cervantes, William Shakespeare e o Inca Garcilaso de la Vega. Para celebralo na nosa biblioteca ao longo desa semana realizamos as seguintes actividades:
- Taller de marcapáxinas. Nos recreos da biblioteca os que queiran poderán realizar simpáticos marcapáxinas de animais. Mirade o día que vos toca!
 |
| Facendo os marcapáxinas |
 |
| Marcapáxinas rematados |
Visita á Insua dos Poetas. O alumnado de quinto xunto ao de sexto que van ao Club de lectura visitaron a Insua dos Poetas en Carballiño para gozar dunha xornada de actividades literarios nun entorno natural único.
 |
| Insua dos Poetas |
-
- Realización dun Animalario. Desde hai uns días todas as aulas están a realizar as páxinas que conformarán un animalario sobre animais en perigo de extinción.
- En que personaxe te convertirías por un día? O alumnado de segundo deixou voar a súa imaxinación e pensaron en que personaxe de libro lles gustaría convertirse por un día. Cada un elexiu o seu e explicaron por que o elixiron, describíronse e debuxáronse. Quedaron uns traballiños do máis orixinais que encadernaron para ter na clase e que todos os puidesen ler. Aquí volos deixamos.
- Creación do "Recantiño voador", un espazo no que se poderán deixar e/ou coller libros aos que aínda se lles pode dar unha segunda oportunidade, pero que na biblioteca xa non teñen cabida porque hai que deixar espazo para as novidades!!
 |
| Disfrutando do Recantiño Voador |
Subscribirse a:
Publicacións (Atom)